Weight Loss Program
Please update your Flash Player to view content.
Please update your Flash Player to view content.

Мемлекет Басшысы Нұрсұлтан Назарбаевтың бес институционалдық реформаны жүзеге асыруға бағытталған Ұлт жоспары – 100 нақты қадам міндеттерін орындау аясында 22 мамырда Х.Досмұхамедов атындағы Атырау мемлекеттік университеті мен Қазақстан Республикасы Ұлттық музейі арасында ынтамақтастық туралы меморандумға қол қойылды.

Read more...

 

 

2015 жылдың 22 мамыр күні Атырау облысы Жастар саясаты мәселелері басқарамасының ұйымдастыруымен Атырау қаласы студенттерінің арасында өткен «БРЭЙН-РИНГ» интеллектуальды сайысында жоғары білім деңгейін көрсетіп, бас жүлдені жеңіп алған Досмұхамедов университеті «Қыран» командасын шын жүректен құттықтаймыз!

Команда құрамы:

Журналистика мамандығының І курс студенттері: Арай Серікбаева, Алтынай Аралбаева, Асылай Өтемісқызы, Қуаныш Ақберген, Айдана Ақсисенова, Мөлдір Ізтұрғанова.

 

 

 

 

Х.Досмұхамедов атындағы Атырау мемлекеттік университеті ғылыми зерттеулерді үйлестіру бөлімінің басшысы Рауан Шәріпбайұлы Абдинов мемлекеттік жастар саясатын түсіндіру, сондай-ақ ұлтаралық келісімді және жастар арасындағы толеранттылықты нығайту жөніндегі ақпараттық науқанға белсене қатысқаны үшін Қазақстан Республикасы Білім және ғылым министрінің Алғыс хатымен марапатталды.

 

2015 жылғы 1 сәуір - 15 мамыр аралығында Х.Досмұхамедов атындағы Атырау мемлекеттік университеті Жоғары оқу орнына дейінгі дайындық факультетінің ұйымдастыруымен Атырау облысы мен Атырау қаласы мектептерінің 11-сынып оқушылары арасында математика, физика, информатика, химия, биология, дүниежүзі тарихы, орыс тілі мен әдебиетінен пәндік олимпиада өтті.

Пәндік олимпиада 3 турдан тұрды:

Бірінші турда «Мен мұғалім мамандығын таңдаймын» немесе «Менің Отаным - Қазақстан» тақырыбындағы жазба жұмыстары қабылданды.

Екінші турда оқушылар тест тапсырмаларын орындады.

Үшінші турда әр пәннен арнайы тапсырмалар берілді.

Үш турдың қорытындысы бойынша олимпиадаға қатысқан оқушылардың нәтижесі төмендегідей:

Read more...

 

 

Х.Досмұхамедов атындағы Атырау мемлекеттік университетінің ректоры, профессор Бейбіт Баймағамбетұлы Мамраев «Қазақстан халқы Ассамблеясына 20 жыл» мерекелік медалімен марапатталды.

Қазақстан Республикасының «Қазақстан халқы Ассамблеясына 20 жыл» мерекелік медалі Қазақстан Республикасы Президентінің 2015 жылдың 23 қаңтардағы «Қазақстан халқы Ассамблеясының 20 жылдығы құрметіне арналған мерекелік медаль туралы» Жарлығымен тағайындалды.

Мерекелік медальмен елдегі қоғамдық келісімнің нығаюына, Қазақстан халқы бірлігін қамтамасыз етуге, Қазақстан халқы Ассамблеясы рөлінің артуына, Қазақстанның бейбітшілік пен келісім тәжірибесін шет елдерде таратуға және Қазақстан мен өзге мемлекеттер халықтары арасындағы достық қатынастарды дамытуға елеулі үлес қосып жүрген Қазақстан Республикасының азаматтары және шетел азаматтарын көтермелеу мақсатында марапатталады.

 

2015 жылдың 15 мамырда 2014-2015 оқу жылында университетті гуманитарлық ғылымдар, құқық, өнер, әлеуметтік ғылымдар, экономика және бизнес, жаратылыстану ғылымдары, техникалық ғылымдар және технологиялар, ауыл шаруашылық ғылымдар бағыттары бойынша бітіруші түлектерді жұмысқа орналастыру мақсатында «Жас маман-2015» түлектер жәрмеңкесі ұйымдастырылды.

Түлектер жәрмеңкесі барысында жас мамандар кездесетін қиындықтардың алдын-алу үшін психологтың, заңгердің, жұмыспен қамту және әлеуметтік бағдарламалар орталығы маманының, «Тарлан-Атырау» қоғамдық бірлестігі, жастар ресурсы орталығы қызметкерлерінің кеңесі ұйымдастырылды.

Read more...

 

Білім жетілдіру саласында мектеп пен университет арасындағы сабақтастықты қалыптастыру оқушылардың білім деңгейінің көтерілуіне, маман даярлау ісінің сапасын арттыру – білім беру жүйесін түбегейлі өзгерту кезеңіндегі педагогика ғылымының басты міндеттерінің бірі болып табылады.

Бұл сабақтастық педагогикалық мамандықтар түлектерінінің дипломдық жұмыстарын орта мектептер базасындағы филиалдарда көпшілік алдында қорғау бойынша жалғасын тапты.

Read more...

 

14-cәуірде Х.Досмұхамедов атындағы Атырау мемлекеттік университетінде ұлағатты ұстаз, тіл білімінің ғұламасы, ғалым, әдіскер, профессор Құсекен Шәукенұлының 85 жылдығына арналған «Ғалым парасаты» атты еске алу кітабының тұсаукесері өтті. Кездесуге Құсекен Шәукенұлының отбасы мүшелері мен университетіміздің профессор-оқытушылары, студенттер қатысты.

Құсекен Шәукенұлы Атырау облысы, Қайыршақты елді-мекенінде 1929 жылы 23-қыркүйекте дүниеге келген. Филология ғылымдарының кандидаты, доцент, университеттің академиялық профессоры. «Сөз тіркесі және оларды оқыту жолдары» (1990 ж., оқу құралы), «Үйірлі мүшелер, оларды оқыту методикасы» (1991 ж.), «Синтаксис» (2004 ж.) т.б көптеген ғылыми еңбектердің авторы. «Халық ағарту ісінің озық қызметкері», «ҚР білім беру ісінің құрметті қызметкері», білім стандартына сай оқулық жазудағы нәтижелі еңбегі үшін «А.Байтұрсынов атындағы» медаль (2005 ж.), «Саңлақ автор» дипломының иегері (2006 ж.), Ы.Алтынсарин белгісі (2009 ж.) марапаттарының иегері.

Read more...

 

14 мамырда  Досмұхамедов университеті әлем тілдері факультетінің 1-3 курс студенттері мен шетел тілін оқыту әдістемесі кафедрасының оқытушылары факультет деканы Ақмарал Хайыржановамен бірге Атырау қаласында жауған нөсер жаңбырдың салдарынан зардап шеккен үйлердің 100 шақты тұрғыны орналастырылған №2 орта мектепте болып, қиындыққа тап болғандарға қолдауларын білдірді.

Жауыннан зардап шеккен жерлестерімізге көмек беру туралы волонтер-студенттердің бастамасын басқа да студенттер мен оқытушылар қолдады. Олар табиғаттың тосын мінезінен уақытша қиындыққа ұшырағандарға азық-түлік, сәбилерге керекті қажетті  гигиеналық құрал-жабдықтардан гуманитарлық көмек ұйымдастырды.

Read more...

 

6-8 мамырда Х.Досмұхамедов атындағы Атырау мемлекеттік университетінде Ұлы Отан соғысының ардагері, университетте ұзақ жылдар еңбек еткен қадірлі ұстаз профессор Ғабдрахман Әшімбайұлы Айдаралиевті еске алуға арналған республикалық шахмат фестивалі өтті.

Атырау облыстық туризм, дене шынықтыру және спорт басқармасы мен Х.Досмұхамедов атындағы Атырау мемлекеттік университеті ұйымдастырған ашық республикалық турнирге Алматы, Семей, Ақтөбе, Орал, Атырау қалаларынан шахматшылар, университеттің жоғары оқу орнына дейінгі дайындау факультетіндегі Қытайдан және Өзбекстаннан келген тыңдаушылар қатысты.

Read more...

 
Announcement
Авторизация



Фотогалерея
On-line
We have 16 guests online